ஏப்ரல் 26 ஆம் திகதி இலங்கையை கொரோனா வைரஸ் இல்லாத நாடாக அறிவிக்க அரசாங்கம் நம்பிக்கையுடன் செயல்பட்டு வருவதாக அறியக்கிடைக்கின்றது

அரசாங்கத்திற்கு சார்பான சமூக ஊடகங்களில் சில ஏற்கனவே “அலங்கரிக்கப்பட்டு  உலகை வியக்க வைக்கும் வெற்றி” என்ற தலைப்பில் அறிக்கைகளை வெளியிட்டுள்ளன.

கொரோனா பரவலை தடுப்புக்கான தேசிய மையத்தின் செய்தியாளர் சந்திப்பில் சுகாதார அமைச்சர் பவித்ரா தேவி வன்னியாராச்சி, இலங்கையில் உள்ள அனைத்து கொரோனா வைரஸ் தொற்றாளர்களும் ஏப்ரல் 19 க்குள் கண்டறியப்படுவார்கள் என்று கூறியுள்ளார்.

ஏப்ரல் 19 ஆம் திகதி ஆகும் போது நாட்டில் பிறப்பிக்கப்பட்டிருந்த ஊரடங்கு சட்டம் பிறப்பிக்கப்பட்டு ஒரு மாதகாலம் முடிவடைய உள்ளது. இந்த காலப்பகுதிக்குள் வெளிநாட்டில் இருந்து வந்தவர்களுக்கும் ஒரு மாதம் முடிவடைவதுடன் மீதமுள்ளவர்கள் இனம்காணப்படுவார்கள் என அவர் தெரிவித்துள்ளார்.

அந்த மாதத்தில் யாராவது கொரோனா வைரஸ் நோயால் பாதிக்கப்பட்டிருந்தால், அதைக் கண்டுபிடிப்பதற்கு இலகுவாக இருக்கும், மேலும் அறிகுறிகள் இல்லாதிருந்தால், அவர்களை விடுவிக்க  போதுமான காலமாக  இருக்கும் என்று சுகாதார அமைச்சர் கூறியுள்ளார்.

இதுவரை அரசுக்கு  அளித்த அனைத்து ஆதரவுகளும்  19 ஆம் தேதி வரை வழங்கப்படுமானால், இலங்கை கொரோனா வைரஸின் பாதிப்பிலிருந்து  விடுபட்டுவிடும்  என்றும் அவர் கூறினார்.

நிலைமை நன்றாக உள்ளது - வைத்தியர் அனில் ஜாசிங்க

சுகாதார சேவைகளின் பணிப்பாளர் நாயகம் வைத்தியர் அனில் ஜாசிங்க ஊடகங்களை மேற்கோள் காட்டி கருத்து தெரிவிக்கையில் இத்தாலியில் இருந்து  வந்த மக்களால்  இலங்கையில் கொரோனா வைரஸ் அபாயம் முடிவுக்கு வந்துவிடும் எனவும், இந்தோனேசியா, துபாய் மற்றும் இந்தியா ஆகிய நாடுகளைச் சேர்ந்த நோயாளிகள் இருப்பதாக இப்போது கண்டுபிடிக்கப்பட்டுள்ளதாகவும் தெரிவித்துள்ளார்.

கொரோனா வைரஸைக் கட்டுப்படுத்தும் பொறுப்பில் சுகாதாரத்துறைக்கு மிக உயர்ந்த அதிகாரம் உள்ளது என்ற கருத்துக்களை அரசாங்கத்தின் சமூக ஊடகங்கள் எடுத்துக்காட்டுகின்றன.

அரசாங்கத்தின் ஊடக அறிக்கையின் படி கொரோனா வைரஸ் தொற்று இல்லாத மாவட்டங்களில் தேர்தலை நடத்த அரசாங்கம் முடிவு செய்துள்ளது.

ஜூன் 2 க்கு பின் பொதுத்தேர்தல்: தேர்தல் திணைக்களத்திற்கு அழுத்தம்!

பாராளுமன்றத்தை கலைத் து  பொதுத்தேர்தலுக்கு அழைப்புவிடுத்து வர்த்தமானி அறிவிப்பை வெளியிட்ட மூன்று மாதங்களுக்குப் பிறகு, ஜூன் 02ம் திகதிக்கு பிறகு , பொதுத் தேர்தலை நடத்த ராஜபக்ச குடும்பம் முடிவு செய்துள்ளதாக அரசாங்கத்தின் உள்வட்டாரங்கள் தெரிவிக்கின்றன.

அதன்படி, மாவட்டங்களை கொரோனா வைரஸிலிருந்து விடுவிக்க உடனடியாக நடவடிக்கை எடுக்குமாறு பாதுகாப்புப் படையினருக்கும் சுகாதார அதிகாரிகளுக்கும் ஜனாதிபதி ஏற்கனவே அறிவுறுத்தியுள்ளார்.

ஜனாதிபதியின் செயலாளர் பி.பி.ஜெயசுந்தர நேற்று (ஏப்ரல் 09) தேர்தல் திணைக்கள தலைவருக்கு கடிதம் ஒன்றை அனுப்பியுள்ளார்“பொதுத் தேர்தலை ஏப்ரல் 14 ஆம் திகதி வரையு ம்  தேர்தல் திணைக்களம் ஒத்திவைத்துள்ளது குறிப்பிடத்தக்கது.

திணைக்களத்தினால்  ஒத்திவைக்கப்பட்டுள்ள  தேர்தலை நடத்துவதற்கான  திகதியை தீர்மானிப்பது திணைக்களத்தின் பொறுப்பாகும் என்று ஜனாதிபதியின் செயலாளர் தனது கடிதத்தில் குறிப்பிட்டுள்ளார்.

ஏப்ரல் 1 ம் தேதி தேர்தல் திணைக்களத்தின் தலைவர் மஹிந்த தேசப்பிரிய ஜனாதிபதி செயலாளருக்கு எழுதிய கடிதத்திற்கு பதிலளிக்கும் விதமாக இந்தக் கடிதத்தை எழுதியுள்ளார்.  

பாராளுமன்றம் கலைக்கப்பட்டதிலிருந்து மூன்று மாதங்கள் முடிவடைவதற்கு முன்னர் புதிய நாடாளுமன்றத்தை கூட்ட முடியாது என்று தேர்தல் திணைக்களம் கூறி இருப்பதால், எழும் பிரச்சினைகளைத் தீர்க்க உச்சநீதிமன்றத்தின் வழிகாட்டுதலைப் பெற தேர்தல் திணைக்களம் ஏப்ரல் 1 ம் தேதி ஜனாதிபதி செயலாளருக்கு கடிதம் எழுதியுள்ளது. 

இதற்கு பதிலளித்த ஜனாதிபதி செயலாளர் தனது கடிதத்தில் உச்சநீதிமன்றத்தை அணுகவேண்டிய அவசியமில்லை என்று கூறியுள்ளார்.

ஆயிரக்கணக்கான உயிர்கள் ஆபத்தில் உள்ளன – மங்கள

இதற்கிடையில், முன்னாள் நிதியமைச்சர் மங்கள சமரவீர பொதுத் தேர்தலுக்கான வேட்புமனு அறிவிப்பை முன்னிட்டு ஒரு செல்ஃபி வீடியோவை சமூக ஊடகங்களுக்கு வெளியிட்டுள்ளார்.

தேர்தல் அதிகாரிகள் பெரும் ஆபத்துக்களுக்கு ஆளாகியுள்ளதாகவும், மக்கள் வாக்களிக்க வாக்குச் சாவடிக்கு செல்வதாலும் வாக்குச் சாவடியில் விரல் நுனியில் வர்ணம் பூசப்படும் இந்த சந்தர்பத்தில் வைரஸ் தொற்ற அதிக வாய்ப்புள்ளது என  முன்னாள் நிதியமைச்சர் சுட்டிக்காட்டியிருந்தார்.

இருப்பினும், ஜனாதிபதி மற்றும் சுகாதார அமைச்சர் உட்பட சில அரச அதிகாரிகள், கொரோனா வைரஸ் பொதுத்தேர்தலைத் தடுக்கவில்லை என்று தொடர்ந்து வலியுறுத்தி வருகின்றனர்.

எவ்வாறாயினும், அரசாங்க மருத்துவ அதிகாரிகள் சங்கம் மற்றும் சமூக ஊடகங்கள் மார்ச் 18 மற்றும் 19 ஆகிய தேதிகளில் சமூக அந்நியப்படுத்தும் திட்டத்தை உடனடியாக தொடங்குமாறு அரசாங்கத்திற்கு அழுத்தம் கொடுத்திருந்தன.

இந்த சூழலில், மார்ச் 19 ம் தேதி வேட்புமனுவை ஏற்றுக்கொண்ட பின்னர் வாக்களிப்பது குறித்து முடிவெடுக்கும் அதிகாரம் தேர்தல் தினைக்கலத்திற்கு வழங்கப்பட்டுள்ளது, இது மார்ச் 21 அன்று வெளியிடப்பட்ட வர்த்தமானி அறிவிப்பால் ஒத்திவைக்கப்பட்டது.

இருப்பினும், ஜனாதிபதியின் செயலாளரின் கடிதத்தின்படி, பொதுத் தேர்தலின் திகதியை தீர்மானிக்கும் அதிகாரமும் பொறுப்பும் தேர்தல் திணைக்களத்திடம் இருப்பதாக அவர் தெரிவித்துள்ளார்.

சீனா 'சமூக அந்நியப்படுத்தலை' தளர்த்தியுள்ளது, ஆனால் ஆபத்து குறையவில்லை! - தொலைதூர நகரத்தை மூடுகிறது

கொரோனா நிலைமையைக் கட்டுப்படுத்திய பின்னர் கடந்த புதன்கிழமை தளர்த்தப்பட்ட 76 நாள் "லாக் டவுன்" திட்டத்தின் மீதான கட்டுப்பாட்டை சீனாவின் வுஹான் மற்றும் ஹூபே மாநிலங்கள் கடுமையாக்கியுள்ளன.

ஆனால் பொதுமக்கள் மீண்டும் நடமாடுவதாக இருந்தால், அந்த மாநிலங்களிலும் சீனாவிலும் 'கொரோனாவின் இரண்டாவது அலை'யைத் தடுக்க முடியாது. என்று அறிவிக்கப்படுள்ளளது

சர்வதேச ஊடகங்களின் கருத்துக்களின் படி, கொரோனா ஆண்டிபயாடிக் கண்டுபிடிக்கப்படும் வரை உலகம் ஒரு கடினமான நேரத்தை எதிர்கொள்ளும் என தெரிவித்துள்ளது

புதிய கொரோனா வைரஸ் தொற்று காரணமாக உலகளவில் 90,000 பேர் இறந்துள்ளதாக அந்த அறிக்கையில் தெரிவிக்கப்பட்டுள்ளது.

logo

Apekshakaya

பிந்திய செய்தி