ஐக்­கிய தேசிய கட்­சியின் ஜனா­தி­பதி வேட்­பாளர் சஜித் பிரே­ம­தா­ச­விற்கு இலங்கை தொழி­லாளர் காங்­கிரஸ் ஆத­ரவு தெரி­விக்­கு­மே­யானால் அதனை தமிழ் முற்­போக்கு

கூட்­டணி வர­வேற்கும். அதில் எமக்கு ஆட்­சே­பனை கிடை­யாது என்று கூட்­ட­ணியின் பிரதி தலை­வரும், மலை­யக மக்கள் முன்­ன­ணியின் தலை­வரும், விசேட பிர­தே­சங்­க­ளுக்­கான அபி­வி­ருத்தி அமைச்­ச­ரு­மான கலா­நிதி. வேலு­சாமி இரா­தா­கி­ருஷ்ணன் தெரி­வித்தார்.

அண்­மையில் சீரற்ற கால­நிலை கார­ண­மாக பொக­வந்­த­லாவ பகு­தியில் பாதிக்­கப்­பட்ட மக்­களை நேற்று பார்­வை­யிட்ட பின்பு ஊட­கங்­க­ளுக்கு கருத்து தெரி­விக்­கை­யி­லேயே அவர் இவ்­வாறு தெரி­வித்தார்.

தொடர்ந்து அவர் கருத்த தெரி­விக்­கையில்,ஐக்­கிய தேசிய கட்­சியின் ஜனா­தி­பதி வேட்­பாளர் சஜித் பிரே­ம­தா­ச­விற்கு இலங்கை தொழி­லாளர் காங்­கிரஸ் ஆத­ரவு தெரி­விக்­கு­மே­யானால் அதனை நாங்கள் வர­வேற்­கின்றோம். ஐக்­கிய தேசிய கட்­சியை வெற்­றி­பெற செய்ய யார் வந்து இணைந்­தாலும் தவறு இல்லை. ஆகையால் இலங்கை தொழி­லாளர் காங்­கிரஸ் ஆத­ரவு வழங்­கினால் எங்­க­ளுக்கு எந்­த­வி­த­மான ஆட்­சே­பி­னையும் இல்லை.

அத்­தோடு 2015ஆம் ஆண்டு நல்­லாட்சி அர­சாங்கம் கொடுத்த வாக்­கு­று­தி­களை நிறை­வேற்ற முடி­யாமல் போன­மைக்கு காரணம் இரண்டு கட்­சி­களின் இழு­பறி நிலையே.

எனவே எக் காரணம் கொண்டும் இரண்டு தேசிய கட்­சிகள் இணைந்து அர­சாங்கம் அமைப்­பது நம்­நாட்­டுக்கு பொருத்­த­மா­ன­தல்ல. இதன் கார­ண­மாக ஒரே கட்­சியில் ஜனா­தி­ப­தியும் பிர­த­மரும் தெரிவு செய்தால் அந்த ஆட்சி மக்­க­ளுக்கு நன்மை பயக்கும்.

அதனை உணர்ந்து மக்கள் அணை­வரும் ஜனா­தி­பதி தேர்­த­லிலும் எதிர்­வரும் பொது தேர்­த­லிலும் வாக்­க­ளிக்க வேண்டும்.

திரு­மணம் நடை­பெற்­றதன் பின்பு கண­வனும் மனை­வியும் சேர்ந்து பய­ணித்தால் தான் அந்த குடும்பம் நல்ல குடும்­ப­மாக இலக்கை நோக்­கியும் பய­ணித்து வாழ்க்­கையில் வெற்­றிப்­பெற முடியும். அப்­படி இல்­லாமல் திரு­ம­ணத்தின் பின்பு இரு­வ­ருக்கும் இடையில் கருத்து முரண்­பா­டுகள் எற்­பட்டால் அந்த குடும்பம் தனது இலக்கை அடைய முடி­யாது.

சமு­தா­யத்­திலும் அவப்­பெ­யரை சந்­திக்க வேண்­டிய நிலை ஏற்­படும். அதே நிலையே இந்த நல்­லாட்சி அர­சாங்­கத்­திற்கும் எற்­பட்­டி­ருக்­கின்­றது. ஆரம்­பத்தில் ஜனா­தி­ப­தியும் பிர­த­மரும் ஒற்­று­மை­யா­கவும் ஒத்த கருத்­து­டனும் ஒரே இலக்கை நோக்கி பய­ணித்­தார்கள். அதன் மூலம் பல வெற்­றிகள் கிடைத்­தது.

பின்பு இரு­வ­ருக்கும் இடையில் எற்­பட்ட கருத்து முரண்­பாடு அதன் மூலம் அமைச்­சர்­க­ளுக்­கி­டையே ஏற்­பட்ட கருத்து முரண்­பாடு ஒரே அர­சாங்­கத்தில் அங்கம் வகித்த அமைச்­சர்கள் ஒரு­வரை ஒருவர் விமர்­சிக்க ஆரம்­பித்­ததன் கார­ண­மாக நல்­லாட்சி அர­சாங்கம் தனது இலக்கை நோக்கி பய­ணிக்க முடி­யாமல் போய்­விட்­டது.

இதன் மூலம் நாங்கள் சிறந்த பாடத்தை கற்றுக்கொண்டிருக்கின்றோம். இந்த தவறை எதிர்காலத்தில் நாம் செய்ய முடியாது. மக்களும் வாக்களிக்கின்ற பொழுது சிந்தித்து ஒரு கட்சிக்கு பெரும்பான்மையை பெற்றுக்கொள்கின்ற வகையில் வாக்களிப்பார்களேயானால் அது சிறப்பானதாக இருக்கும்.

பிந்திய செய்தி